हाम्रो बारेमा
नेपाल सरकार गृह मन्त्रालय अन्तर्गत जिल्ला प्रशासन कार्यालय, इलामको प्रत्यक्ष निर्देशन र नियन्त्रणमा मिति २०५७ साल देखि ईलाका प्रशासन कार्यालय मंगलबारे इलाम स्थापना भएको पाइन्छ । मिति २०५८/१२/२५ बाट १० वर्षे जनयुद्धका कारण यस कार्यालयबाट सम्पादन हुने कार्यहरु जिल्ला प्रशासन कार्यालय, इलामबाट सम्पादन हुने गरेकोमा मिति २०६२/१२/२१ पूर्ववत रुपमा यस कार्यालयको पुनःस्थापना भई रा.प.तृतिय श्रेणी शाखा अधिकृतको नेतृत्वमा नियमित रुपमा कार्य सञ्चालन हुदै आएको छ । ईलाका प्रशासन कार्यालय मंगलबारे हाल देउमाइ नगरपालिका वडा नं.४ को मंगलबारेमा बहालको घरमा बस्दै आएकोमा मिति २०८२/११/०४ देखि देउमाई नगरपालिका वडा नं. ४ स्थित कबडहल छेउमा रहेको आफ्नो नयाँ भवनबाट सेवा प्रवाह भइरहेको छ । सामान्यतया नागरिकता वितरण नै प्रमुख कार्यको रुपमा सम्पादन गर्दै आएको यस कार्यालयबाट शान्ति व्यवस्था, शुशासन तथा विकास व्यवस्थापनमा समन्वयकारी भुमिका निर्वाह गर्ने गर्दछ । वि.सं. २०८२ वैशाख १४ गते बाट यस कार्यालयमा राष्ट्रिय परिचयपत्र दर्ता एवं वितरण सेवा समेत शुरु भएको छ ।
यस कार्यालयको कार्य क्षेत्र ३ स्थानिय तह- देउमाई नगरपालिका, फाकफोकथुम गाउँपालिका र माङसेबुङ गाउँपालिका रहेको छ ।